တာချီလိတ်တွင် လိုင်စင်မဲ့ယာဉ်အထည်ဆိုင်ထဲဝင်တိုက် ပြီးအရေးယူမှုမရှိခြင်းအပေါ် ပြည်သူများဝေဖန်

တာချီလိတ်မြို့ ဝမ်ကောင်းရပ်ကွက်ရှိ အထည်ဆိုင်တစ်ဆိုင်သို့ Crown အဖြူရောင် လိုင်စင်မဲ့ယာဉ်တစီး ဝင်ရောက်တိုက်ခိုက်ခဲ့ပြီး ယာဉ်မောင်းသူမှာ မြို့မရဲစခန်းမှူး၏ ဇနီးဖြစ်သည်ဟုသိရသည်။ ဇွန် ၁၆ ရက်ညနေပိုင်းက ဖြစ်ပွားခဲ့သော ယာဉ်တိုက်မှုအတွင်း လူထိခိုက်မှုမရှိသော်လည်း ဆိုင်ပစ္စည်းပျက်စီးမှုရှိခဲ့ပြီး ယာဉ်လိုင်စင်မရှိခြင်းနှင့် တရားမဝင်မောင်းနှင်မှုအပေါ် အရေးယူမှုမရှိကြောင်းကြောင့် ပြည်သူများက တာဝန်ရှိသူများ၏ မျှတမှုချို့တဲ့မှုကို ဝေဖန်လျက်ရှိသည်။