စင်ကာပူနိုင်ငံသား စီးပွားရေးလုပ်ငန်းရှင် (၇၁ နှစ်) တစ်ဦးအား ထိုင်းနိုင်ငံမှ ထွက်ခွာခါနီး သုဝဏ္ဏဘူမိလေဆိပ်တွင် ၂၀၂၅ ခုနှစ် ဇွန်လ ၄ ရက်က ဖမ်းဆီးခဲ့သည်။ ၎င်းအား ၂၀၁၅ ခုနှစ် ဇူလိုင်မှ အောက်တိုဘာအထိ ကုမ္ပဏီ၏ တရားဝင်ဒါရိုက်တာအဖြစ် တာဝန်ထမ်းဆောင်စဉ် သတင်းအချက်အလက်ဝန်ဆောင်မှုမှ ရငွေအား အခွန်မတင်ပြဘဲ ဘတ်ငွေ ၅.၂၄ သန်း တန်ဖိုးဖြတ်အခွန် (VAT) ရှောင်တိမ်းမှုဖြင့် အခွန်ဌာနက တရားစွဲထားခြင်း ဖြစ်သည်။ ဖမ်းဆီးခံရသူက ကုမ္ပဏီဒါရိုက်တာအဖြစ် တာဝန်ယူခဲ့ကြောင်း ဝန်ခံသော်လည်း မည်သည့်မှားယွင်းမှုမျှ မပြုလုပ်ခဲ့ကြောင်း ငြင်းဆိုခဲ့သည်။
