ဂျပန်အစိုးရ၏ သိုလှောင်ထားသော ဆန်များ စတင်ရောင်းချ

ဂျပန်အစိုးရသည် မြင့်တက်လာသော ဆန်ဈေးနှုန်းများကို တည်ငြိမ်စေရန်အတွက် ၎င်းတို့၏ အရေးပေါ် စပါးသိုလှောင်မှုမှ ဆန်များကို စတင်ရောင်းချနေပြီဖြစ်ကြောင်း သိရသည်။ လယ်ယာစိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာန (MAFF) သည် မတ်လမှစတင်၍ သိုလှောင်ထားသော ဆန်များကို ဈေးနှုန်းတည်ငြိမ်စေရန် ရည်ရွယ်ထုတ်ရောင်းခဲ့သည်။ မတ်လလယ်ပိုင်းတွင် အစိုးရ၏ ဆန်သိုလှောင်မှု အစိတ်အပိုင်းတစ်ခုကို လေလံတင်ရောင်းချခဲ့ရာ ဖြန့်ဖြူးသူများသည် တန်ချိန် ၁၄၁,၇၉၆ တန်ကို ပျမ်းမျှ ကီလိုဂရမ် ၆၀ လျှင် ယန်း ၂၁,၂၁၇ ဖြင့် ဝယ်ယူခဲ့ကြသည်။