ထိုင်းနိုင်ငံရှိ ဆိုင်ကယ်အပိုပစ္စည်းစက်ရုံတွင် အလုပ်လုပ်ကိုင်နေသည့် မြန်မာအလုပ်သမား ၁၀၀ ကျော်ကို အလုပ်ရှင်က လုပ်ခလစာရှင်းမပေးဘဲ အလုပ်ထုတ်

ထိုင်းနိုင်ငံ၊ စမွတ်ပရာကန်ခရိုင်ရှိ ဆိုင်ကယ်အပိုပစ္စည်းစက်ရုံတွင် အလုပ်လုပ် ကိုင်နေသည့် မြန်မာအလုပ်သမား ၁၀၀ ကျော်ကို အလုပ်ရှင်က ကြိုတင်အသိ ပေးအကြောင်းကြားခြင်းမရှိဘဲ ယမန်နေ့ မေလ ၂၂ ရက်၊ နံနက် ၁၁ နာရီ ခန့်က အလုပ်မှထုတ်ပယ်လိုက်ကြောင်း သိရသည်။ စက်ရုံဘက်မှ မြန်မာအလုပ်သမား (၁၀၀) ကျော်အား အလုပ်ထုတ်ခဲ့ရာတွင် အလုပ်သမားများရရှိမည့် လုပ်ခလစာ (၁) လစာကိုလည်း အပြည့်မပေးဘဲ လုပ်အားခ (၁၀) ရက်စာသာပေးမည်ဟု စက်ရုံတာဝန်ရှိသူတစ်ဦးက ပြောဆိုခဲ့ကြောင်း အလုပ်ထုတ်ခံရသည့် အလုပ်သမားများထံမှ သိရပါတယ်။