တစ်ပတ်ကြာ ကျင်းပမည့် ဆောက်လုပ်ရေးလုပ်ငန်းသုံးပစ္စည်းများ ရောင်းချသည့် ဈေးရောင်းပွဲတော်ကို နေပြည်တော်၌ ပြခန်းပေါင်း ၇၄ ခုဖြင့် ယနေ့စတင်ရောင်းချပေးနေ

သံ၊ သံမဏိ၊ ဘိလပ်မြေအပါအဝင် ဆောက်လုပ်ရေးလုပ်ငန်းသုံး ပစ္စည်းများ ရောင်းချပေးမည့် ဈေးရောင်းပွဲတော်ကို နေပြည်တော် ဥပ္ပါတသန္တိစေတီတော် တပေါင်းကွင်း၌ ယနေ့ မေလ ၁၂ ရက်နေ့တွင် စတင်ကျင်းပနေပြီဖြစ်ကြောင်း သိရသည်။အဆိုပါဈေးရောင်းပွဲတော်ကို ယနေ့မှစတင်၍ ၁၈ ရက်နေ့အထိ ၇ ရက်တိုင်တိုင် ကျင်းပပြုလုပ်သွားမည်ဖြစ်ပြီး ကုမ္ပဏီပေါင်း ၆၁ ခုတို့က ပြခန်းပေါင်း ၇၄ ခုဖွင့်လှစ်ကာ ဘိလပ်မြေ၊ သံ၊ သံမဏိ စသည့် ဆောက်လုပ်ရေးလုပ်ငန်းသုံး ပစ္စည်းများစွာကို သက်သာသောဈေးနှုန်းဖြင့် လွတ်လပ်စွာဝယ်ယူနိုင်သည်ဟုဆိုသည်။