ချင်းပြည်နယ်နဲ့ စစ်ကိုင်းတိုင်း၊ ကလေးမြို့နယ်တွေမှာ စက်သုံးဆီဈေးတွေ မြင့်တက်နေပြီးဓာတ်ဆီ တစ်လီတာကို အရင် ခြောက်ထောင်ကျော်ကနေ ရှစ်ထောင်ကျော်အထိ ဈေးပေး၀ယ်ယူနေရတယ်လို့ ဆိုပါတယ်။ တစ်ဂါလံ ၃၅၀၀၀ ဝန်းကျင်အထိ မြင့်တက်နေပြီး တချို့ကျေးရွာတွေမှာ ဝယ်ယူဖို့ အခက်အခဲတွေ ရှိနေတယ်လို့ ဒေသခံတွေက ပြောပါတယ်။ ဒါ့အပြင် ကျေးရွာတွေကနေ မြို့ထဲကို ကူးသန်းသွားလာလို့ရတဲ့ လမ်းတချို့ကိုလည်း မြေတူးစက်တွေနဲ့တူးပြီး လမ်းကို ဖျက်ဆီးထားတာကြောင့် စားသောက်ကုန်ပစ္စည်းတွေလည်း ရှားပါးနေတယ်လို့ ပြောပါတယ်။
