လုံးတော်ပြည့် ရွှေသင်္ကန်းကပ်လှူပူဇော်ပြီးဖြစ်သည့်အတွက် ဗုဒ္ဓါဘိသေက အနေကဇာတင် မင်္ဂလာကျင်းပမည်

ရွှေတိဂုံစေတီတော်မြတ်ကြီးကို လုံးတော်ပြည့်ရွှေသင်္ကန်း ကပ်လှူပူဇော်ပြီးဖြစ်သည့်အတွက် ဗုဒ္ဓါဘိသေကအနေကဇာတင်နှင့် ရေစက်ချအလှူတော်မင်္ဂလာ ကျင်းပသွားမည်ဖြစ်ကြောင်း ဘဏ္ဍာတော်ထိန်းဂေါပကအဖွဲ့ထံမှ သိရသည်။အဆိုပါ အလှူတော်မင်္ဂလာကို မေလ (၁၅) ရက်တွင် နံနက် (၇) နာရီခွဲမှစတင်၍ ရွှေတိဂုံစေတီတော်မြတ်ကြီး၏ ရင်ပြင်မြောက်ဘက်မုခ် ရာဟုထောင့်အောင်မြေနေရာ၌ ကျင်းပပြု လုပ်သွားမည်ဖြစ်ကြောင်း သိရသည်။