ယခုနှစ် နှစ်သစ်ကူးတွင် နှစ်သစ်ကူးအကြို လေးနာရီကြာ တိုက်ရိုက်ထုတ်လွှင့်မှုအတွင်း ရှောင်မီတည်ထောင်သူ Lei Jun သည် Xiaomi SU7 Ultra အတွက် နှာခေါင်းပေါက် နှစ်ပေါက်ပါသည့် ရှေ့ဖုံးကို စီစဉ်ထားကြောင်း ကြေညာခဲ့ရာ အများစုက ဩဘာပေးခဲ့ကြသည်။ SU7 Ultra တွင် နှာပေါက်ပါသည့် ရှေ့ဖုံး သုံးလိုပါက ယွမ် ၄၂,၀၀၀ (5,800 USD), ထပ်ဆောင်းပေးသွင်းရသည်။ အမြင်အားဖြင့် လေတိုးသည့်အခါ နှာပေါက်များထဲ လေများ ဝင်သွားပြီး လေခွင်းအား ပိုကောင်းသွားမည်ဟု ယူဆရသည်။ နှာပေါက်ပါသည့် ဗားရှင်းနှင့် မပါသည့်ဗားရှင်း ရှေ့ဖုံးသာ ကွာခြားသည်။ ကျန်သည်တိုမှာ အားလုံး အတူတူပင် ဖြစ်နေသည်။ ဘာမှ မထူးခြားချေ။ သို့ဖြစ်ရာ ကားကိုယ်ထည် အလှဆင်ပစ္စည်းတခုကို 5,800 USD ဖြင့် ရောင်းချနေခြင်း ဖြစ်နေသည်။
