ရေးမြို့နယ် မော့ကနင်ကျေးရွာမှ ဒေသခံအမျိုးသားတစ်ဦး မြေမြှုပ်မိုင်းနင်းမိပေါက်ကွဲမှုကြောင့် ညာဘက်ခြေထောက်ပြတ်ဒဏ်ရာရရှိခဲ့

မွန်ပြည်နယ် ရေးမြို့နယ် မော့ကနင်ကျေးရွာမှ ဒေသခံအမျိုးသားတစ်ဦးမှာ မြေမြှုပ်မိုင်းနင်းမိပေါက်ကွဲမှုကြောင့် ညာဘက်ခြေထောက်ပြတ်ဒဏ်ရာရရှိခဲ့ကြောင်း ဒေသခံများ၏ ပြောကြားချက်များအရ သိရသည်။မေလ ၇ ရက် ညနေ ၄ နာရီခန့်က အဆိုပါ မော့ကနင်ကျေးရွာ ကားဆိပ်ရပ်နေ အသက် ၄၀ နှစ်အရွယ် အမျိုးသားတစ်ဦးမှာ ရော်ဘာခြံမှ ၎င်း၏နေအိမ်သို့ပြန်လာစဉ် ရေး - သံဖြူဇရပ်ကားလမ်း ဘေးတွင် မြေမြှုပ်မိုင်းနင်းမိခဲ့ခြင်းဖြစ်ကြောင်း ဒေသခံတစ်ဦးက ပြောကြားသည်။