ငလျင်ကြီးကြောင့် ပျက်စီးထိခိုက်မှုမရှိခဲ့၍ ကဆုန်လပြည့်နေ့ ကျောက်တော်ကြီးဘုရားတွင် ညောင်ရေသွန်းပွဲတော်ပြုလုပ်၍ ထန်းသီးမုန့် အချိန်၄၀၀ စတုဒိသာ ကျွေးမည်

မန္တလေးတောင်ခြေရှိ မဟာသကျမာရဇိန် ကျောက်တော်ကြီးဘုရားပရိဝုဏ်အတွင်း၌ လာမည့်ကဆုန်လပြည့်နေ့(မေ၁၁ရက်) တွင် ညောင်ရေသွန်းပွဲတော်ကို အစဉ်အလာမပျက် ကျင်းပပြုလုပ်သွားမည်ဖြစ်ကြောင်း ဘဏ္ဍာတော်ထိန်း၊ ဂေါပကအဖွဲ့မှ သိရသည်။ကဆုန်လပြည့်နေ့၌ ကျောက်တော်ကြီးဘုရားပရိဝုဏ် ထောင့်လေးထောင့်ရှိ ဂြိုဟ်ပြေနံပြေဆင်းတုတော်များအပူဇော်ခံထားရှိရာ ဗောဓိညောင်ပင်များ၌ ညောင်ရေသွန်းမှုများ ပြုလုပ်ကြမည်ဖြစ်သည်။