တရုတ်-အမေရိကန် ကုန်သွယ်ရေး ဆွေးနွေးပွဲ မတိုင်မီ ကမ္ဘာ့ရေနံ ဈေး အနည်းငယ် ပြောင်းလဲနိင်

မေလ(၉) ရက် သောကြာနေ့တွင် ရေနံဈေးနှုန်းများသည် အမေရိကန်နှင့် တရုတ်နိုင်ငံတို့၏ အရေးပါသော ကုန်သွယ်ရေး ဆွေးနွေးပွဲ မတိုင်မီ အနည်းငယ်သာ ပြောင်းလဲခဲ့သည်။ ယခင်ရက်တွင် ၃% ကျော် မြင့်တက်ခဲ့ပြီးနောက် ဈေးကွက်သည် စောင့်ကြည့်နေသော အနေအထားတွင် ရှိနေသည်။ ဘရန့်ရေနံစိမ်း ဈေးနှုန်းသည် ၀.၁% တက်ကာ တစ်စည်လျှင် ၆၂.၉၁ ဒေါ်လာသို့ ရောက်ရှိခဲ့ပြီး အမေရိကန် West Texas Intermediate (WTI) ရေနံစိမ်း ဈေးနှုန်းမှာလည်း ၀.၁% တက်ကာ တစ်စည်လျှင် ၅၉.၉၈ ဒေါ်လာဖြင့် အရောင်းအဝယ် ဖြစ်ခဲ့သည်။ ယခင်က ရေနံဈေးနှုန်းများ မြင့်တက်ခဲ့ခြင်းမှာ အမေရိကန်နှင့် တရုတ်တို့အကြား ကုန်သွယ်ရေး တင်းမာမှုများ လျော့ကျလာနိုင်သည့် လက္ခဏာများနှင့် ဗြိတိန်နိုင်ငံက အမေရိကန်နှင့် ကုန်သွယ်ရေး သဘောတူညီချက် ရရှိခဲ့ကြောင်း ကြေညာခြင်းတို့ကြောင့် ဖြစ်သည်။