ဗီယက်နမ်၊ ဖိလစ်ပိုင်နှင့် ထိုင်းနိုင်ငံတို့တွင် ရာသီဥတုဖောက်ပြန်မှုကြောင့် အုန်းသီးဈေးနှုန်း စံချိန်တင် မြင့်တက်

ဗီယက်နမ်၊ ဖိလစ်ပိုင်နှင့် ထိုင်းနိုင်ငံတို့တွင် ရာသီဥတုဖောက်ပြန်မှုနှင့် ပိုးမွှားကျရောက်မှုများကြောင့် အုန်းသီး အထွက်နှုန်း သိသိသာသာ လျော့ကျသွားသဖြင့် အုန်းသီးဈေးနှုန်းများ စံချိန်တင် မြင့်တက်လာကြောင်း သိရသည်။ ဗီယက်နမ်နိုင်ငံ၏ အုန်းသီး အဓိက တင်ပို့သူ Vina T&T သည် ခြံဈေးတွင် အုန်းသီး တစ်ဒါဇင်လျှင် အမေရိကန်ဒေါ်လာ ၈.၄၇ အထိ ပေး၍ ဝယ်ယူနေရပြီး ယခင်က ပေးခဲ့ဖူးသည့် ဈေးနှုန်းများထက် အမြင့်ဆုံး ဖြစ်သည်။ ယခုနှစ် အုန်းသီး ပေါက်ဈေးသည် ယခင်နှစ်ထက် နှစ်ဆကျော် မြင့်တက်လာပြီး ကုန်သည်များသည် အုန်းသီးရရှိရန် အခက်အခဲများစွာ ရင်ဆိုင်နေရသည်။