ထိုင်းနိုင်ငံ၊ ဘန်ကောက်မြို့တွင် တရားမဝင် ခရီးသွားလုပ်ငန်း လုပ်ကိုင်နေသည့် တရုတ်နိုင်ငံသားတစ်ဦး ဖမ်းမိ

ထိုင်းနိုင်ငံ၊ ဘန်ကောက်မြို့ မဟာနန်းတော်အနီးတွင် တရားဝင်ခွင့်ပြုချက်မရှိဘဲ ခရီးသွားလုပ်ငန်း လုပ်ကိုင်နေသည့် တရုတ်နိုင်ငံသားတစ်ဦးကို ခရီးသွားရဲတပ်ဖွဲ့က ဖမ်းဆီးလိုက်ကြောင်း အာဏာပိုင်များက မေလ ၇ ရက် ယနေ့ သတင်းထုတ်ပြန်သည်။ သံသယရှိသူ အသက် ၃၁ နှစ်အရွယ် မစ္စတာ Yue ကို မဟာရတ်လမ်းရှိ Tha Chang ဆိပ်ခံတံတားအနီးတွင် ဇိမ်ခံကားတစ်စီးဖြင့် ခရီးသည်များကို ခေါ်ဆောင်သွားကြောင်း တာဝန်ရှိသူများက တွေ့ရှိပြီးနောက် ဖမ်းမိခဲ့ခြင်းဖြစ်သည်။