ထင်းမီးဖြင့် ပဲပြုတ်အိုးတည်ရာက မီးကြွင်းမီးကျန်မှတစ်ဆင့် နေအိမ်ခြောက်လုံးမီးလောင်မှု လှိုင်သာယာတွင် ဖြစ်ပွား

ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်း)မြို့နယ်၊ ရွှေလင်ဗန်းကျေးရွာ၊ ရွှေနှင်းဆီလမ်းတွင် ယနေ့ မေလ ၆ ရက် နံနက်အစောပိုင်းက ထင်းမီးဖြင့် ပဲပြုတ်အိုးတည်ရာ ကျန်ရှိသော မီးကြွင်းမီးကျန်မှတစ်ဆင့် ဝါးထရံသို့ မီးကူးစက်ရာက နေအိမ်ခြောက်လုံး မီးလောင်ဆုံးရှုံးခဲ့ကြောင်း မီးငြှိမ်းသတ်သူများထံမှ သိရသည်။