ဒုတိယဥက္ကဋ္ဌနှင့် အဖွဲ့ဝင်များသည် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနသို့ ရောက်ရှိကြပြီး ပြည်ထောင်စုဝန်ကြီးက အဆိုပါရုံးအတွင်း Modular House များဖြင့် ယာယီရုံးခန်း များ ဖွင့်လှစ်၍ ကျင်းပပြုလုပ်မည့် ရွေးကောက်ပွဲဆိုင်ရာနှင့် ဆက်စပ်သည့် ရုံးလုပ်ငန်းများ ဆောင်ရွက်ထားရှိမှု အခြေအနေများနှင့် Server Room များကို လိုက်လံရှင်းလင်းပြသရာ ဒုတိယဥက္ကဋ္ဌက Server များ၊ ကွန်ပျူတာများအနေဖြင့် ယာယီအဆောက်အဦးအတွင်း စနစ်တကျထားရှိဆောင်ရွက်ရေးနှင့် လုံခြုံရေးဆိုင်ရာ အထူးဂရုပြုဆောင်ရွက်ရန် မှာကြားခဲ့သည်။
