တိုနီ ကရူးစ်လက်သစ် ဂျာမန်ကွင်းလယ်လူ စတီလာကို ခေါ်ယူပြီး ကွင်းလယ်ပိုင်း အားဖြည့်သွားမယ့် လီဗာပူးလ်

လီဗာပူးလ်အသင်းဟာ သူတို့ရဲ့ ကွင်းလယ်ပိုင်းကို အင်အားဖြည့်တင်းဖို့အတွက် စတုဂတ်အသင်းရဲ့ ကြယ်ပွင့် ကွင်းလယ်ကစားသမား အန်ဂျလို စတီလာကို လာမယ့် နွေရာသီ အပြောင်းအရွှေ့မှာ ခေါ်ယူဖို့ အလေးအနက်ထား စဉ်းစားနေတယ်လို့ သတင်းတွေ ထွက်ပေါ်လာပါတယ်။လီဗာပူးလ်အသင်း ပရီးမီးယားလိဂ်ဖလားကို ပြတ်ပြတ်သားသား ဆွတ်ခူးနိုင်ခဲ့တဲ့ ရာသီမှာ လက်ရှိ ကွင်းလယ်ကစားသမားတွေဖြစ်တဲ့ ဒေါ့မနစ် ဆိုဘော့စ်လိုင်၊ အဲလက်ဆစ် မက်အလီစတာနဲ့ ရိုင်ယန် ဂရာဗန်ဘက်ချ်တို့အားလုံးဟာ အသင်းရဲ့ ကျောရိုးအဖြစ် ကောင်းကောင်း ပံ့ပိုးကူညီပေးနိုင်ခဲ့ကြပါတယ်။