MNL League Cup မှာ ဝင်ရောက်ယှဉ်ပြိုင်ကစားနေတဲ့Yangon Royals FC အသင်း Yangon City FC အဖြစ် အမည်ပြောင်းမည်

MNL League Cup မှာ ဝင်ရောက်ယှဉ်ပြိုင်ကစားနေတဲ့ မြန်မာနေရှင်နယ်လိဂ်-၂ကလပ် Yangon Royals FC အသင်းကို Yangon City FC အဖြစ် အမည်ပြောင်းလဲတော့မယ်လို့ အသင်း CEO ဦးဟန်လင်းဆီမှသိရပြီးYangon City FC အမည်ပြောင်းခြင်းကို မဟာယူနိုက်တက်နဲ့ပွဲအပြီးမှာ စတင်မှာဖြစ်ပြီး ကချင်ယူနိုက်တက်နဲ့ကစားရမယ့် MNL League Cup အုပ်စုနောက်ဆုံးပွဲစဉ်မှာ အမည်သစ်နဲ့ ယှဉ်ပြိုင်ကစားမှာဖြစ်ပါတယ်။ မြန်မာနေရှင်နယ်လိဂ်မှာ Yangon City အမည်နဲ့ ဝင်ရောက်ယှဉ်ပြိုင်ဖူးတဲ့ အသင်းရှိပြီး ၂၀၁၆ ဘောလုံးရာသီက လိဂ်-၂ တန်းတက်ကလပ် Horizon FC အသင်းကို Yangon City အဖြစ် အမည်ပြောင်း ယှဉ်ပြိုင်ခဲ့ဖူးပါတယ်။