မန္တလေးငလျင်ကြီးဒဏ်ကြောင့် ထိခိုက်ပျက်စီးမှုများဖြစ်ပေါ်ခဲ့သည့် အင်းလေးဖောင်တော်ဦး မြတ်စွာဘုရား ရင်ပြင်နှင့် ကုန်းတော်မြေရေရှည်ခိုင်ခံ့ရေးအတွက် Sheet Pile ရိုက်ခြင်းလုပ်ငန်းကို စက်ယန္တရားကြီးများဖြင့် ဆက်လက်ဆောင်ရွက်လျက်ရှိကြောင်း သိရသည်။အင်းလေးတွင် ငလျင်ကြောင့် သေဆုံးသူများထဲတွင် ကေလာကျေးရွာက ၄၁ ယောက်၊ အနောက် တောင်ရွာက ၁၄ ယောက်၊ နောက်မြောက်ရွာက ၁၀ ယောက်၊ ဟဲယာရွာမက ၅ ယောက် ၊ ရှေ့တောင်ရွာက ၆ ယောက်၊ ဇရပ်ကြီးရွာက ၅ ယောက် အပါအဝင် သေဆုံးသူ ၁၀၀ ဝန်းကျင်ခန့် ရှိခဲ့သည်။
