ထိုင်းတွင် ပါမစ်မလျောက်ဘဲ ထိုင်းလူမျိုးအမည်ခံ လုပ်ငန်းများ စစ်ဆေးနေ

ထိုင်းနိုင်ငံ၊ ဘန်ကောက်မြို့ ဟွေ့ခွမ် ဧရိယာရှိ စားသောက်ဆိုင် ၁၀ ဆိုင်ကို အထူးစုံစမ်းစစ်ဆေးရေး ဦးစီးဌာနက မကြာမီ ပိတ်သိမ်းတော့မည် ဖြစ်သည်။ ထိုင်းကူးသန်းရောင်းဝယ်ရေး ဒုဝန်ကြီး နပင်န်တွန်က ဧပြီလ ၂၅ ရက် သောကြာနေ့တွင် ပြောကြားခဲ့ခြင်းဖြစ်သည်။ ထိုနေရာတွင် တရုတ်များက ထိုင်းလူမျိုးများကို အမည်ခံပြီး ပါမစ်မရှိဘဲ စီးပွားရေးလုပ်ငန်းများကိုလုပ်နေသည်ဟုဆိုသည်။ ထိုကြောင့် ထိုင်းစီးပွားရေးလုပ်ငန်းများနှင့် ထိုင်းအလုပ်သမားများအားအကာအကွယ်ပေးဖို့ ပြောကြားခဲ့သည်။