ထရမ့်ပ်၏အခွန်စည်းကြပ်မှုကယူအက်စ်ကိုပြန်ထိမယ်လို့မလေးရှားဝန်ကြီးချုပ်ဟောင်းမဟာသီသတိပေး

အမေရိက၏ ကျိုးကြောင်းဆီလျော်မှုမရှိသော အခွန်စည်းကြပ်မှုများချမှတ်ခြင်းသည် ယူအက်စ်ကိုသာ ပြန်ထိမည်ဖြစ်ကြောင်းနှင့် ထရမ့်ပ်အစိုးရသည် အဆိုပါမူဝါဒကိုရုတ်သိမ်းရန် ပြည်တွင်းဖိအားများနှင့်ပါရင်ဆိုင်ရဖွယ်ရှိကြောင်း မလေးရှားဝန်ကြီးချုပ်ဟောင်း မဟာသီယာမိုဟာမက်က သတိပေးခဲ့သည်။"ထရမ့်ပ်၏အခွန်စည်းကြပ်မှုသည် အခြားနိုင်ငံများထက် အမေရိကကို သာပိုမိုထိခိုက်စေလိမ့်မည်” ဟုဆိုပြီး အမေရိကသည် ပြည်ပသွင်းကုန်များနှင့် ပြင်ပကို အပ်နှံ၍ ကုန်ထုတ်လုပ်မှုအပေါ် အလွန်အမင်းမှီခိုနေရခြင်းကြောင့်ဖြစ်သည်ဟုလည်းသူက ထောက်ပြပြောကြားခဲ့သည်။