လီဗာပူးလ်နည်းပြ ဆလော့ရဲ့ ပွဲဦးထွက်ရာသီဟာ ပရီးမီးယားလိဂ်ရဲ့ အကောင်းဆုံး နည်းပြစွမ်းဆောင်မှုတွေထဲက တစ်ခုလို့ ယူနိုက်တက် ကစားသမားဟောင်း နဗီးလ် ချီးကျူး

မန်ချက်စတာ ယူနိုက်တက် ကစားသမားဟောင်း ဂယ်ရီ နဗီးလ်က လီဗာပူးလ်နည်းပြ အာနေး ဆလော့ရဲ့ ပွဲဦးထွက်ရာသီ စွမ်းဆောင်ရည်ကို ပရီးမီးယားလိဂ် သမိုင်းတစ်လျှောက် မြင်တွေ့ခဲ့ဖူးသမျှ အကောင်းဆုံးနည်းပြစွမ်းဆောင်မှုတွေထဲက တစ်ခုအဖြစ် ချီးကျူးပြောဆိုလိုက်ပါတယ်။ နယ်သာလန်လူမျိုး နည်းပြ ဆလော့ဟာ သူ့ရဲ့ ပထမဆုံးရာသီမှာပဲ လီဗာပူးလ်ကို ပရီးမီးယားလိဂ် ချန်ပီယံဆုဖလား ရယူပေးနိုင်လုနီးပါး ဖြစ်နေပါပြီ။