ပြင်သစ်စာသင်ကျောင်းတွင် ဓားထိုးမှုဖြစ်ပြီး ကျောင်းသူ ၁ ဦးသေဆုံးပြီး ကျောင်းသား ၃ ဦး ဒဏ်ရာရ

ပြင်သစ်နိုင်ငံအနောက်ပိုင်း နုံ့ထ်မြို့ရှိ နိုထရာဒမ် ဒီတူးတေ့ဒ် ကိုယ်ပိုင်ကက်သလစ်ကျောင်းမှာ ဧပြီ ၂၄ ရက်က ကျောင်းသားအချင်းချင်း ပဋိပက္ခဖြစ်ရာက ဓားထိုးမှုဖြစ်ပွားခဲ့ပြီး အထက်တန်းကျောင်းသူတယောက် သေဆုံးကာ တခြား ၃ ယောက် ဒဏ်ရာရရှိခဲ့ကြောင်း ရဲတပ်ဖွဲ့က ပြောပါတယ်။ရဲတပ်ဖွဲ့ဝင်တွေ ရောက်မလာသေးခင်မှာ အသက် ၁၅ နှစ်ရှိ တိုက်ခိုက်သူကို ဆရာတွေက ဝိုင်းဝန်း အင်အားသုံး ဖမ်းချုပ်ခဲ့ကြောင်း ရဲတပ်ဖွဲ့ ပြောရေးဆိုခွင့်ရှိသူက ပြောပါတယ်။ဖရန့်စ် အင်ဖှို ပြင်သစ်ရုပ်သံလွှင့်ဌာနကတော့ ဓားထိုးမှုမှာ ကျောင်းသားအချင်းချင်း ပဋိပက္ခဖြစ်ပြီးနောက် တိုက်ခိုက်သူမှာ စိတ်ကျရောဂါ ခံစားခဲ့ရကြောင်း ဖော်ပြခဲ့ပါတယ်။