ကက်ရှ်မီးယားတွင် အိန္ဒိယနှင့်ပါကစ္စတန် တိုက်ပွဲဖြစ်ပွား

အိန္ဒိယနှင့်ပါကစ္စတန်ကြား ပိုင်ဆိုင်မှု အငြင်းပွားနေသည့် ကက်ရှ်မီးယားဒေသရှိ ထိန်းချုပ်ရေး မျဉ်းတစ်လျှောက် တွင် ညအချိန်က နှစ်နိုင်ငံ စစ်သားများ အပြန်အလှန်ပစ်ခတ်ခဲ့ကြသည်ဟု တာဝန်ရှိသူများက ဧပြီ ၂၅ ရက်တွင် ပြောကြားခဲ့သည်။ ကက်ရှ်မီးယားဒေသတွင် ပစ်ခတ်မှု ဖြစ်ပွားပြီးနောက် ထိပ်တိုက်တွေ့မှုများ မပြုလုပ်ရန် ကုလသမဂ္ဂက အိန္ဒိယနှင့် ပါကစ္စတန်တို့ကို တိုက်တွန်းခဲ့ပြီးနောက် ယခုကဲ့သို့ အပြန်အလှန် ပစ်ခတ်မှုများ ဖြစ်ပွားခဲ့ခြင်းဖြစ်သည်။