စစ်ကိုင်းတိုင်း၊ကချင်ပြည်နယ် အပါအဝင် တိုင်းဒေသကြီးနဲ့ ပြည်နယ်အချို့မှာ မိုးရွာနိုင်

မြန်မာနိုင်ငံ မြောက်ပိုင်း ကချင်ပြည်နယ်၊အလယ်ပိုင်းစစ်ကိုင်းတိုင်းဒေသကြီး အပါအဝင် တိုင်းဒေသကြီးနဲ့ ပြည်နယ်အချို့မှာ နောက် ၂ရက် အထိ မိုးရွာနိုင်ခြေရှိနေတယ်လို့ မြန်မာနိုင်ငံ မိုးလေဝသနဲ့ ဇလဗေဒဦးစီးဌာနက ထုတ်ပြန်ထားပါတယ်။စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ နောက် ၂ရက် အထိ နေရာကွက်ကျားမှ နေရာကျဲကျဲ မိုးထစ်ချုန်းရွာနိုင်ခြေရှိနေတာဖြစ်ပြီးနေပြည်တော်၊ရန်ကုန်မြို့နဲ့ မန္တလေးမြို့မှာ ယနေ့ မိုးရွာနိုင်ခြေမရှိဘဲ တိမ်အသင့်သင့် ဖြစ်ထွန်းနိုင်ခြေ ရှိတယ်လို့ ထုတ်ပြန်ချက် အရ သိရပါတယ်။