ကမ္ဘာ့ကျန်းမာရေးအဖွဲ့၏ဖိတ်ကြားချက်အရ တရုတ်အပြည်ပြည်ဆိုင်ရာ အရေးပေါ်ဆေးအဖွဲ့ (မကာအို) သည် ငလျင်လှုပ်ခတ်ပြီးနောက် အရေးပေါ်ဆေးဝါးကုသမှုပေးရန်နှင့်နည်းပညာဆိုင်ရာ ပံ့ပိုးကူညီမှုများကို ထောက်ပံ့ရန် မြန်မာနိုင်ငံသို့ (၁၄) ရက်ကြာမစ်ရှင်အဖြစ်လာမည်ဟု သိရသည်။မတ်လ ၂၈ ရက်နေ့က မြန်မာနိုင်ငံ၌ အင်အား ၇ ဒသမ ၇ အဆင့်ရှိ ငလျင်လှုပ်ခတ်ခဲ့ပြီး ပျက်စီးဆုံးရှုံးမှုများနှင့်လူသေဆုံးမှုများဖြစ်ပေါ်ခဲ့သည်။ မကာအိုကျန်းမာရေးဗျူရိုက WHO ၏ဖိတ်ကြားချက်အရ ယခုဆေးအဖွဲ့ကို နိုင်ငံတော်ကောင်စီ၏ ဟောင်ကောင်နှင့်မကာအိုရေးရာရုံးနှင့် တရုတ်နိုင်ငံနိုင်ငံခြားရေး ဝန်ကြီးဌာနတို့၏ သဘောတူညီချက်ဖြင့်စေလွှတ်ခြင်းဖြစ်ကာ မကာအိုရှိတရုတ်နိုင်ငံခြားရေး ဝန်ကြီးဌာန မင်းကြီးရုံးနှင့်မကာအို ကိုယ်ပိုင်အုပ်ချုပ်ခွင့်ရဒေသအစိုးရ၏ ကူညီထောက်ပံ့မှုများဖြင့်လုပ်ဆောင်ခဲ့ခြင်းဖြစ်သည်ဟုဆိုသည်။
