တနင်္သာရီတိုင်းဒေသကြီး၊ ရေဖြူမြို့နယ်ရှိ သံကူကွန်ကရစ် ဘေလီတံတားပျက်စီးခဲ့၍ ပြန်လည်ပြုပြင်နေ

ဧပြီလ (၂၄)ရက် နံနက် (၁၀)နာရီခန့်တွင်

တနင်္သာရီတိုင်းဒေသကြီး၊ ရေဖြူမြို့နယ်၊ တလိုင်းယာကျေးရွာအုပ်စု၊ ဒေါက်လောက်ကျေးရွာအနီးရှိ အရှည် (၅၀၀)ပေ၊ အနံ (၁၂)ပေရှိသော သံကူကွန်ကရစ် ဘေလီတံတားမှာ (၆)လက်မ (၃)လက်မရှိ သစ်သားဇလီဖားများနှင့် အပေါ်ပြင်ခင်းများ ပေ (၂၀၀)ခန့် မီးလောင်ပျက်စီးခဲ့ပါတယ်။အဆိုပါ ဘေလီတံတားသည် ထားဝယ်ရေနက်ဆိပ်ကမ်းသို့ သွားလာသည့်လမ်းပေါ်၌ ထားဝယ်မြစ်ကို ဖြတ်သန်း ဆောက်လုပ်ထားခြင်းဖြစ်ပြီး ယင်းသို့ ပျက်စီးခဲ့သည့် ဘေလီတံတားကို ရေဖြူမြို့နယ် လမ်းဦးစီးဌာနမှ အမြန်ဆုံး ပြန်လည်ပြုပြင် သွားမှာဖြစ်ပါတယ်။