နာမည်ကျော်နည်းပြဟောင်း ကာပယ်လိုက စီးရီးအေချန်ပီယံလုပွဲတွင် နာပိုလီအသင်း အလေးသာသွားပြီဖြစ်ကြောင်း သုံးသပ်ပြောကြားခဲ့သည်။ စီးရီးအေပွဲစဉ် (၃၃)အပြီးတွင် အင်တာမီလန်နှင့် နာပိုလီတို့မှာ ရမှတ် (၇၁)မှတ်စီဖြင့် တူညီနေပြီး ဂိုးကွာခြားချက်အသာဖြင့် အင်တာမီလန်က ထိပ်ဆုံး၌ ရပ်တည်နေသည်။ သို့သော် ကာပယ်လိုက စီးရီးအေချန်ပီယံလုပွဲတွင် နာပိုလီက အလေးသာသွားပြီဟု သုံးသပ်ခဲ့ခြင်းဖြစ်သည်။ စီးရီးအေတွင် ချမှတ်ထားသော စည်းမျဉ်းသစ်အရ ချန်ပီယံဆုအတွက် အမှတ်တူညီနေပါက ဂိုးကွာခြားချက်၊ Head-to-head ရလဒ်တို့ဖြင့် ဆုံးဖြတ်မည်မဟုတ်ဘဲ အဆုံးအဖြတ် Play-off ပွဲတစ်ပွဲကို ကြားကွင်းတွင် ထပ်မံယှဉ်ပြိုင်ကစားသွားရမည်ဟု သိရသည်။
