ရုရှား ဒရုန်းထုတ်လုပ်မှုကို တရုတ်ကူညီနေဟု ဇယ်လန်းစကီး ပြော

တရုတ်နိုင်ငံသားများသည် ရုရှားရှိ ဒရုန်းထုတ်လုပ်ရေး စက်ရုံတစ်ရုံတွင် ဒရုန်းများ ထုတ်လုပ်မှုကို ကူညီပေး နေကြောင်း ယူကရိန်းသမ္မတ ဇာလန်းစကီး (Volodymyr Zelenskyy) က ပြောကြားခဲ့သည်။ရုရှားသည် တရုတ်ထံမှ ဒရုန်းနည်းပညာကို ခိုးယူဖွယ် ရှိနေသည်ဟုလည်း ၎င်းက ဆိုသည်။တရုတ်သည် ရုရှားကို လက်နက်များနှင့်ခဲယမ်းများ ထောက်ပံ့ပေးနေပြီး ရုရှားဘက်မှ ကူညီတိုက်ခိုက်ပေးနေသည့် တရုတ်နိုင်ငံသားနှစ်ဦးကို ယူကရိန်းတပ်ဖွဲ့များက ဖမ်းဆီးရမိခဲ့ကြောင်း ဇာလန်းစကီးက ပြောကြားခဲ့ပြီးနောက် ဧပြီ ၂၂ ရက်တွင် ကိယက်ဗ်မြို့တော်၌ ပြုလုပ်သည့် သတင်းစာရှင်းလင်းပွဲမှာ ထိုကဲ့သို့ ပြောကြားခဲ့ခြင်းဖြစ်သည်။