အမေရိကန်ပြည်ထောင်စု၊ နယူးဂျာစီပြည်နယ်၌ တောမီးလောင်ကျွမ်း၍လူ ၃,၀၀၀ ခန့်ကို ရွှေ့ပြောင်းနေရာချထားရ

အမေရိကန်ပြည်ထောင်စု၊ နယူးဂျာစီပြည်နယ်အတွင်းမှာ ဧပြီလ ၂၂ ရက်က လျင်မြန်လှတဲ့ တောမီးလောင်ကျွမ်းမှုတစ်ရပ် စတင်ဖြစ်ပွားခဲ့တာကြောင့် ဒေသအတွင်းနေထိုင်ကြတဲ့ လူထောင်နဲ့ချီလို့ ရွှေ့ ပြောင်းနေရာချထားခဲ့ရပြီး အဓိကကျတဲ့ အဝေးပြေးလမ်းမကြီးတစ်ခုကိုလည်း ပိတ်ထားခဲ့ရပါတယ်။ အဆောက်အအုံ ၁,၃၀၀ ကျော်ဟာလည်း တောမီး လောင်ကျွမ်းမှုကူးစက်နိုင်တဲ့ ခြိမ်းခြောက်မှုကို ကြုံနေရပြီး လူ ၃,၀၀၀ လောက်ကိုလည်း ရွှေ့ပြောင်းနေရာချထားရပါတယ်။ ယာယီတဲတွေကို အထက်တန်း ကျောင်းတွေမှာ ဖွင့်လှစ်ထားရတယ်လို့ ဘာနီဂတ်‌မြို့ ရဲတပ်ဖွဲ့က ပြောပါသည်။