Max Cement တောင်ဖီလာဘိလပ်မြေစက်ရုံက နေ့စဉ် တန်ချိန် ၁၅၀၀ မှ ၁၈၀၀ အထိ ထုတ်လုပ်နေပြီး နေပြည်တော်ရှိ ငလျင်ဒဏ်သင့်နေရာများသို့ တစ်အိတ် ကျပ် ၂၀,၀၀၀ ကျော်ဖြင့် ရောင်းချပေးနေ

ယင်းဘိလပ်မြေစက်ရုံအနေဖြင့် ငလျင်လှုပ်ခတ်ခဲ့ပြီးအချိန်မှစတင်၍ ယနေ့အထိ ဘိလပ်မြေတန်ချိန် ၃၂၀၀၀ ကျော် အိတ်ရေ ၆ သိန်းကျော် ရောင်းချပေးနိုင်ခဲ့ပါတယ်။ငလျင်ဒဏ်သင့်နေရာများ ပြန်လည်တည်ဆောက်ရေးလုပ်ငန်းဆောင်ရွက်နိုင်ရန် Max Cement တောင်ဖီလာဘိလပ်မြေစက်ရုံက နေ့စဉ် တန်ချိန် ၁၅၀၀ မှ ၁၈၀၀ အထိ ထုတ်လုပ်နေပြီး နေပြည်တော်ရှိ ငလျင်ဘေးသင့်နေရာများ ပြန်ပြုပြင်ရေးအတွက် ဘိလပ်မြေတစ်အိတ် ကျပ် ၂၀,၀၀၀ မှ ၂၃,၀၀၀ နှုန်းအတွင်း ဖြန့်ဖြူးရောင်းချပေးနေကြောင်း အဆိုပါ ဘိလပ်မြေစက်ရုံမှ တာဝန်ရှိသူများက နိုင်ငံပိုင်မီဒီယာနှင့် တွေ့ဆုံမေးမြန်းမှုတွင် ဖြေကြားထားသည်။