ချောင်းဆုံမြို့နယ် (ဘီလူးကျွန်း) ကမာမိုကျေးရွာ ဘုရားပွဲတွင် ထည့်သွင်းကျင်းပပြုလုပ်လေ့ရှိသော မွန်ရိုးရာလှည်းယဉ်ကျေးမှုပြိုင်ပွဲ၌ ဝင်ရောက်ယှဉ်ပြိုင်သည့် လှည်းအရေအတွက် ခုနစ် စီးအထိရှိလာ

မွန်ပြည်နယ် ချောင်းဆုံမြို့နယ် (ဘီလူးကျွန်း) ကမာမိုကျေးရွာ ဘုရားပွဲတွင် ထည့်သွင်းကျင်းပပြုလုပ်လေ့ရှိသည့် မွန်ရိုးရာလှည်းယဉ်ကျေးမှုပြိုင်ပွဲ၌ ယခုနှစ်တွင် ဝင်ရောက်ယှဉ်ပြိုင်သည့် လှည်းအရေအတွက် ခုနှစ်စီးအထိရှိလာကြောင်း သိရသည်။ ဧပြီလ (၂၂) ရက် ညနေပိုင်းအချိန်က ကမာမိုကျေးရွာတွင် ကျင်းပပြုလုပ်ခဲ့သည့် အဆိုပါ မွန်ရိုးရာလှည်းယဉ်ကျေးမှုပြိုင်ပွဲ၌ ပြိုင်ပွဲဝင်လှည်းအရေအတွက် ခုနှစ်စီးအထိရှိလာသည့်အပြင် အလှပြလှည်းယာဉ်တစ်စီးလည်း ပါဝင်ပြသခဲ့ကြောင်း ကမာမိုကျေးရွာမှ မွန်ရိုးရာလှည်းယဉ်ကျေးမှုပြိုင်ပွဲ ကျင်းပရေးကော်မတီဝင် တစ်ဦးက ပြောကြားသည်။