ထိုင်းနိုင်ငံမြောက်ပိုင်း ချင်းမိုင်မြို့ရှိ မန္တလေးနှင့် လန်းနား ဗိသုကာလက်ရာနှစ်ရပ် ရောယှက်တည်ဆောက်ထားသည့် Dhara Dhevi ဟိုတယ်မှာ ဧပြီလ၂၂ရက်နေ့ ညလယ်က မီးလောင်မှုဖြစ်ပွားခဲ့ပြီး ပျက်စီးဆုံးရှုံးမှုများပြားခဲ့ကြောင်း သိရသည်။အဆိုပါ ဟိုတယ်အတွင်းရှိ Spa မှစတင် မီးလောင်မှုဖြစ်ပွားခဲ့ကြောင်းသိရပြီး၂ နာရီခန့် မီးငြှိမ်းသတ်ခဲ့ရကာ လက်ရှိ ပျက်စီးမှုများနှင့်အတူ အသေးစိတ်အချက်များကိုလည်း ဆက်လက် စစ်ဆေးနေဆဲဖြစ်ကြောင်း ထိုင်းသတင်းများတွင် ဖော်ပြထားသည်။အဆိုပါ ဟိုတယ်ကို၂၀၀၂ ခုနှစ်တွင် တည်ဆောက်ခဲ့ပြီး၂၀၀၄ ခုနှစ်ကဖွင့်လှစ်ခဲ့ခြင်းဖြစ်ကာ အခန်းပေါင်း ၁၂၃ ခန်းရှိ ကြယ်ငါးပွင့်အဆင့် ဟိုတယ်ဖြစ်ကြောင်း သိရသည်။
