အမေရိကန် ထပ်ဆောင်းခွန်ကို ရှောင်ရန် တရုတ်က ကိုရီးယားထုတ်ပစ္စည်းအဖြစ် အသွင်ပြောင်း

အမေရိကန်သမ္မတ ဒေါ်နယ်ထရမ့်ပ်ရဲ့ စည်းကြပ်ခွန် ကောက်ခံမှုကို ရှောင်ဖို့ တရုတ်နိုင်ငံက အဓိကဖြစ်တဲ့ နိုင်ငံခြားထုတ်ကုန်တွေကို ကိုရီးယားပို့ကုန်တွေအဖြစ် အသွင်ပြောင်းဖို့ ကြိုးစားတာတွေ တိုးလာတာကို တွေ့ခဲ့တယ်လို့ တောင်ကိုရီးယား အကောက်ခွန်အေဂျင်စီက ဧပြီ ၂၁ ရက်မှာ ပြောပါတယ်။ယခုနှစ်ရဲ့ ပထမ ၃ လအတွင်း မူလနိုင်ငံနဲ့ပတ်သက်တဲ့ ချိုးဖောက်ထားတဲ့ စုစုပေါင်း ကိုရီးယား ဝမ် ၂၉ ဒသမ ၅ ဘီလီယံ (အမေရိကန်ဒေါ်လာ ၂၀ ဒသမ ၈၁ သန်း) တန်ဖိုးရှိတဲ့ ထုတ်ကုန်တွေကို အမေရိကန်ဆီ သင်္ဘောနဲ့ တင်ပို့မယ့် ကုန်စည်တွေထဲမှာ တွေ့ခဲ့ရတယ်လို့ ဆိုပါတယ်။