ထိုင်းနိုင်ငံ၌ ၆ လကျော်ကာလအတွင်း စစ်ဆေးခံရသည့် မြန်မာနိုင်ငံသား ၃၈၀,၀၀၀ ကျော်အနက် ၄၈၀ ကျော် ဥပဒေချိုးဖောက်မှုဖြင့် အရေးယူခံရ

ပြီးခဲ့သည့် ၂ဝ၂၄ ခုနှစ်၊ အောက်တိုဘာ ၁ ရက်နေ့မှ ၂ဝ၂၅ ခုနှစ်၊ ဧပြီ ၁၈ ရက်နေ့အထိ (၆) လကျော်ကာလအတွင်း ထိုင်းနိုင်ငံအတွင်းရှိ နိုင်ငံခြားသားအလုပ်သမား ၅ဝဝ,ဝဝဝ ကျော်ကို စစ်ဆေးခဲ့ရာ ထိုအထဲတွင် မြန်မာနိုင်ငံသားက ၃၈၀,၀၀၀ ကျော်ဖြင့် အများဆုံးပါဝင်ခဲ့သလို ဥပဒေချိုးဖောက်မှုဖြင့် အရေးယူခံရသူ အရေအတွက်မှာလည်း ၄၈၀ ကျော်ဖြင့် အများဆုံးပါဝင်နေကြောင်း ထိုင်းအလုပ်သမားရေးရာဌာနမှ ထုတ်ပြန်သော အချက်အလက်အရ သိရသည်။