ဘိလပ်မြေ တန်ချိန် ၂၄၀၀ တင်ဆောင်လာသည့် ရေယာဉ် ရန်ကုန်ဆိပ်ကမ်းသို့ ထပ်မံရောက်ရှိ

ကော့သောင်းနယ်စပ် ကုန်သွယ်ရေးစခန်းမှ တစ်ဆင့် တင်သွင်းလာသော ဘိလပ်မြေ‌ တန်ချိန် ၂၄၀၀ တင်ဆောင်လာသည့် ရေယာဉ်သည် ရန်ကုန်မြို့၊ မြန်မာ့ကြယ်ငါးပွင့်သင်္ဘောလုပ်ငန်း၊ သာကေတ ဆိပ်ခံတံတားသို့ ဧပြီလ ၂၀ ရက် ညနေပိုင်းတွင် ထပ်မံရောက်ရှိခဲ့ကြောင်း သိရသည်။ ယခုကာလအတွင်း ပြည်တွင်း၌ ဖြစ်ပေါ်နေသည့် ဘိလပ်မြေ လိုအပ်ချက်ကို ပြည့်မီစေရန်နှင့် ပြည်တွင်းထုတ်လုပ်မှုကို အင်အားဖြည့်တင်းပေးနိုင်ရန်အတွက် ဘိလပ်မြေများကို ပြည်ပမှ တင်သွင်းခွင့်ပြုထားခြင်းဖြစ်သည်။