အပစ်အခတ်ရပ်စဲမှုကို ချိုးဖောက်သည်ဟု နှစ်ဖက် အပြန်အလှန်စွပ်စွဲမှုများရှိခဲ့သော ရုရှားသမ္မတ ဗလာဒီမာ ပူတင်၏ အီစတာအပစ်အခတ်ရပ်စဲရေး သက်တမ်းကုန်ဆုံးသွားချိန်တွင် ရုရှားနှင့် ယူကရိန်းတို့အနေဖြင့် “ယခု သီတင်းပတ်တွင် သဘောတူညီချက်တစ်ခု ရရှိလိမ့်မည်” ဟု သူမျှော်လင့်ကြောင်း အမေရိကန် သမ္မတ ဒေါ်နယ်ထရမ့်ပ်က ပြောကြားခဲ့သည်။ ရုရှားနှင့် ယူကရိန်းတို့သည် ယခုသီတင်းပတ်တွင် သဘောတူညီချက်ရလိမ့်မည်ဟု မျှော်လင့်ကြောင်းနှင့် ယင်းနောက်တွင် အမေရိကန်ပြည်ထောင်စုသည် အဆိုပါနှစ်နိုင်ငံနှင့်လုပ်ငန်းကြီးစတင်သွားမှာဖြစ်ကြောင်း မစ္စတာထရမ့်ပ်ကသူ၏ ထရုသ် ဆိုရှယ်ပလက်ဖောင်းတွင် ရေးသားခဲ့သည်။ ထိုအတောအတွင်း ရုရှားအနေဖြင့် အရပ်ဖက်အခြေခံအဆောက်အဦးများကို တာဝေးပစ်ဒရုန်းများ နှင့် ဒုံးကျည်များ ကို အသုံးပြု၍ တိုက်ခိုက်ခြင်းကို ရက် ၃၀ ကာလ သက်တမ်းတိုးနိုင်သည့်သတ်မှတ်ချက်ဖြင့် အပစ်အခတ်ရပ်စဲရန် ယူကရိန်းသမ္မတ ဗိုလိုဒီမာ ဇလန်းစကီးက အဆိုပြုခဲ့သည်။
