နေပြည်တော်တွင် တိုက်အမှတ် (၂၃၈၆၊ ၃၂၀၉)တို့ရှိ အဆောက်အအုံပြိုကျသည့်နေရာမှ ရှာဖွေတွေ့ရှိသည့် လက်ဝတ်ရတနာများ၊ အရေးကြီးစာရွက်စာတမ်းများ၊ ဆိုင်ကယ်(၂)စီးနှင့် အသုံးအဆောင်ပစ္စည်းများအား ပိုင်ရှင်များထံသို့ လွှဲပြောင်းပေးအပ်ခဲ့

၂၀.၄.၂၀၂၅ ရက်ယနေ့တွင် အင်အားပြင်းငလျင်လှုပ်ခတ်ခဲ့မှုကြောင့် နေပြည်တော်၊ ဇမ္ဗူသီရိမြို့နယ်၊ ဗလသိဒ္ဓိရပ်ကွက်၊ တိုက်အမှတ် (၂၃၈၆၊ ၃၂၀၉)တို့ရှိ အဆောက်အအုံပြိုကျသည့်နေရာအား ပဲခူးတိုင်းဒေသကြီးမီးသတ်ဦးစီးမှူးရုံး ရှာဖွေကယ်ဆယ်ရေးတပ်ဖွဲ့ဝင်များမှ ရှင်းလင်းရေးလုပ်ငန်းများဆောင်ရွက်လျက်ရှိရာ အခန်းအမှတ်(၂)၊(၄)နှင့်(၅)တို့မှ ရှာဖွေတွေ့ရှိသည့် လက်ဝတ်ရတနာများ၊ အရေးကြီးစာရွက်စာတမ်းများ၊ ဆိုင်ကယ်(၂)စီးနှင့် အသုံးအဆောင်ပစ္စည်းများအား ပိုင်ရှင်များထံသို့ လွှဲပြောင်းပေးအပ်ခဲ့ပါတယ်။