သင်္ကြန်ကာလအပြီး အသားဈေးများ မြင့်တက်လာခြင်းနှင့်အတူအမဲလိုင်းသား တစ်ဆယ်သား ၃,၃၀၀ ကျပ်နှင့်အထက်ဈေးဖြစ်လာပြီး အမဲဘေလုံးသား၊ အမဲဘို့သား အစ ရှိသည့် အသားများလည်း တစ်ဆယ်သား ၃,၀၀၀ ကျပ်ဈေးနှင့် အထက်ဖြစ်လာသည်။ အမဲအသည်း၊ အမဲကလီစာ ၊ အမဲအူကြမ်းဈေးနှုန်းများလည်း တစ်ဆယ်သား ၂,၅၀၀ ကျပ်နှင့်အထက် ဈေးနှုန်းများ ဖြစ်လာသည်။ အမဲသားဈေးများသည် ဖေဖော်ဝါရီလ၊ မတ်လနှင့် ဧပြီလဆန်းများအထိ တစ်ဆယ်သား ၂,၇၀၀- ၂,၈၀၀ ကျပ် ဝန်းကျင်တွင်သာ ရှိခဲ့ကြောင်း ဈေးကွက်အတွင်းမှ သိရသည်။
