ပြီးခဲ့သည့် မတ်လ ၂၈ ရက်တွင် လှုပ်ခတ်ခဲ့သော မန္တလေးငလျင်ကြီးကြောင့် ပြိုကျခဲ့သည့် စစ်ကိုင်းတံတားဟောင်းကို အိန္ဒိယအင်ဂျင်နီယာအဖွဲ့ကစစ်ဆေးခဲ့ကြောင်း သိရသည်။ ယင်းတံတားကို အိန္ဒိယနိုင်ငံ ဘေးအန္တရာယ်ကင်းရေးနှင့် ဖျက်သိမ်းရေးဆိုင်ရာ ကျွမ်းကျင်အင်ဂျင်နီယာအဖွဲ့က ကွင်းဆင်းစစ်ဆေးခဲ့ခြင်း ဖြစ်သည်။ အိန္ဒိယအင်ဂျင်နီယာအဖွဲ့သည် စစ်ကိုင်းတံတားဟောင်းအပြင်နေပြည်တော်၊ မန္တလေးမြို့တို့ရှိ ငလျင်ဒဏ်သင့်နေရာများအား ကွင်းဆင်းစစ်ဆေးလျက်ရှိကြောင်းလည်း သိရသည်။
