တောင်ကိုရီးယားနိုင်ငံတွင် မြေအောက်ရထားလမ်းဖောက်လုပ်မှု ပြိုကျရာမှ ပျောက်ဆုံးနေဆဲ အလုပ်သမားတစ်ဦးအား ဆက်လက်ရှာဖွေ

တောင်ကိုရီးယားနိုင်ငံ၊ မြို့တော်ဆိုးလ်ရဲ့တောင်ဘက် ဂွမ်မြောင်မြို့မှာ မြေအောက်ရထားလမ်းဆောက်လုပ်ရေး လုပ်ငန်းခွင်တစ်ခု ဧပြီလ ၁၁ ရက် ဒေသစံတော်ချိန် မွန်းလွဲ ၃ နာရီ ၁၃ မိနစ်က ပြိုကျခဲ့ရာမှာ အလုပ်သမားတစ်ဦးကတေ့ာ လုံးဝပျောက်ဆုံးနေဆဲဖြစ်လို့ ဧပြီလ ၁၂ ရက်မှာ ဒုတိယမြောက်နေ့အဖြစ် အသက် ၅၀ နှစ်ကျော်အရွယ်ရှိတဲ့ အလုပ်သမားကို ကယ်ဆယ်ရေးနဲ့ ရှာဖွေရေးခွေးတွေကိုပါ ဖြန့်ချရှာဖွေနေကြပြီး စက်ယန္တရားကြီးများလည်း အသုံးပြုရှာဖွေသွားမယ်လို့ သိရပါတယ်။