ဒုတိယဝန်ကြီး ပြင်းထန်သောမြေငလျင်ဒဏ်ကြောင့် ပျက်စီးသွားသော နေပြည်တော်-မန္တလေးရထားလမ်းပိုင်း၊ လူစီးတွဲနှင့် ကုန်တွဲစက်ရုံ(မြစ်ငယ်)၊ စစ်ကိုင်းတံတား(အင်းဝ)၊ မန္တလေးဘူတာကြီးနှင့် မန္တလေးရှိ ဝန်ထမ်းနေအိမ်လိုင်းခန်းများ ကြည့်ရှုစစ်ဆေး

ဧပြီ ၁၁ သတင်းအရ ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယဝန်ကြီးသည် ဧပြီ ၈ ရက်မှ ၁၀ ရက်အထိ ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူးချုပ်၊ မြန်မာ့မီးရထား အထွေထွေမန်နေဂျာများ၊ တိုင်းတာဝန်ခံအရာရှိများနှင့်အတူ ပြင်းထန်သော မြေငလျင်ဒဏ်ကြောင့် ပျက်စီးသွားသော နေပြည်တော် - မန္တလေးရထားလမ်းပိုင်းရှိ ရထားလမ်းနှင့် တာပေါင်များ၊ ရထားလမ်းတံတားများ၊ ဘူတာများ၏ အခြေအနေ၊ လူစီးတွဲနှင့် ကုန်တွဲစက်ရုံ(မြစ်ငယ်)၊ စစ်ကိုင်းတံတား(အင်းဝ)၊ ဒီဇယ်စက်ခေါင်း စက်ရုံ(မန္တလေး)၊ မန္တလေးဘူတာ ကြီးနှင့် မန္တလေးမြို့ရှိ ဝန်ထမ်းနေအိမ်လိုင်းခန်းများ ပျက်စီးမှုအခြေအနေတို့ကို စစ်ဆေးသည်။