ရန်ကုန်တိုင်းဒေသကြီး၊ ကျောက်တန်းမြို့နယ်၊ ပီလခတ်ကျေးရွာမှာရှိတဲ့ ဟိန္ဒူ ဆုတောင်းပြည့်ဘုရားပွဲတော် နောက်ဆုံးနေ့အဖြစ် မီးနင်းပွဲတော်ကို ဧပြီလ ၁၁ရက်က ကျင်းပပါတယ်။အဲဒီဘုရားပွဲတော်ကို ဧပြီလ ၂ ရက်ကစပြီးတော့ ၁၀ ရက်တိုင်တိုင်ကျင်းပခဲ့တာဖြစ်ပြီးအနယ်နယ်အရပ်ရပ်က ဘုရားဖူးတွေ သိန်းနဲ့ချီ လာရောက်ခဲ့ကြတယ်လို့ ဆိုပါတယ်။မီးနင်းပွဲတွေကို မြန်မာတစ်နိုင်ငံလုံးမှာရှိတဲ့ ဟိန္ဒူဘာသာဝင်တွေက အချိန်အလိုက်ကျင်းပကြပြီး ဟိန္ဒူဘာသာဝင်တွေအပြင် တခြားဘာသာဝင်တွေကလည်း မီးနင်းပွဲတော်ကို ပါဝင်ဆင်နွှဲကြတယ်လို့လည်း သိရပါတယ်၊၊
