မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ် မန္တလေးငလျင်ကြီးကြောင့် အက်ကွဲကြောင်းများကြားမှထပ်မံတွေ့ရှိလာသည့် ရေနန်းတော်ဆောင်အားစနစ်တကျတူးဖော် ဆောင်ရွက်နေမှုများကို ကြည့်ရှုစစ်ဆေး

ဧပြီ ၁၁ ရက်သတင်းကြေငြာချက်အရ မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ်၊ တိုင်းဒေသကြီးအစိုးရအဖွဲ့ဝင်ဝန်ကြီးများ၊ ဗိသုကာပညာရှင် နှင့်အဖွဲ့ တာဝန်ရှိသူများသည် ဧပြီ ၉ ရက် မွန်းလွဲပိုင်းက ရှေးဟောင်းသုတေသနနှင့် အမျိုးသားပြတိုက်ဦးစီးဌာန(မန္တလေးဌာနခွဲ)က အင်းဝခေတ်ယဉ်ကျေးမှုအဆောက်အအုံအမွေအနှစ် ရေနန်းတော်ဆောင်အား စနစ်တကျတူးဖော်ဆောင်ရွက်နေမှုများကို သွားရောက်ကြည့်ရှုစစ်ဆေးခဲ့သည်။