တရုတ်ပြည်မကြီးနှင့် ဟောင်ကောင်တို့မှ အမေရိကန်သို့ ပေးပို့သည့် ပါဆယ်ထုပ်ငယ်များအပေါ် စည်းကြပ်သည့် အကောက်ခွန်နှုန်းထားတိုးမြှင့်

တရုတ်ပြည်မကြီးနှင့် ဟောင်ကောင်တို့မှ အမေရိကန်သို့ ပေးပို့သည့် ပါဆယ်ထုပ်ငယ်များအပေါ် စည်းကြပ်သည့် အကောက်ခွန်နှုန်းထားကို ၉၀% အစား ၁၂၀% ဟု အမေရိကန်သမ္မတ ဒေါ်နယ်ထရမ့်က တိုးမြှင့်လိုက်သည်။ လက်ရှိတွင် အခွန်ကင်းလွတ်ခွင့်ရှိသော ကုန်စည် ပါဆယ်အသေးစားများအပေါ် အကောက်ခွန် နှုန်းထား ၃၀% စည်းကြပ်ရန် ပြဋ္ဌာန်းခဲ့ပြီးနောက် သုံးဆတိုးပြီး ၉၀% ဟု ပြဋ္ဌာန်းလိုက်ပြီးသည့်နောက် တစ်ရက်အကြာတွင် ၁၂၀% ဟု လေးဆသို့ ထပ်တိုးပေးလိုက်ခြင်း ဖြစ်သည်။