ကော့ခ်မြစ်ညစ်ညမ်းမှု ထိုင်းကမြန်မာဘက်ကို အကူအညီတောင်းထား

ချင်းမိုင်မြို့ရှိ မြစ်အောက်ပိုင်း လူမှုအသိုင်းအဝိုင်းများအတွက် ရေအရင်းအမြစ်ဖြစ်သည့် ကော့ခ်မြစ်(နမ့်ခုတ်မြစ်) ကို ထိခိုက်စေသည့် အဆိပ်အတောက် ပြသနာကို ကိုင်တွယ်ဖြေရှင်းရာတွင် ပူးပေါင်းဆောင်ရွက်မှုနှင့် ပတ်သက်၍ မြန်မာဘက်မှ ပြန်ကြားချက်ကို ထိုင်းအာဏာပိုင်များက စောင့်မျှော်နေကြောင်း သိရသည်။

မြစ်ကြောင်းတလျှောက်ရှိ နှစ်ဖက်ပြည်သူများ၏ ကျန်းမာရေးနှင့် သဘာဝပတ်ဝန်းကျင်ကို ကာကွယ်ရန်အတွက် ပူးပေါင်းဆောင်ရွက်မှုသည် အရေးပါကြောင်း နိုင်ငံတော် ရေအရင်းအမြစ်ရုံး(ONWR) က အလေးပေး ပြောကြားခဲ့သည်။