ဧပြီလ ၁၀ရက်နေ့ ည၈နာရီခွဲ ဝန်းကျင်အချိန်တွင် ကျိုင်းတုံမြို့ မိုင်းဇင်းကျေးရွာအနီးရှိ လာတမော့တောင်မြို့ပတ်လမ်းတွင် ကားမောင်းသင်နေစဉ် မတော်တဆဖြစ်ကာ ချောက်ပေ (၅၀) ခန့်ထဲသို့ ထိုးကျသွားခဲ့ပြီး ယာဉ်ပေါ်ရှိ အမျိုးသမီး (၂) ဦးအနက် တစ်ဦး သေဆုံးခဲ့သည်။ မီးသတ်တပ်ဖွဲ့နှင့် လူမှုကူညီရေးအဖွဲ့များက ကယ်ဆယ်ရေးလုပ်ငန်းများ ပြုလုပ်ခဲ့ပြီး သေဆုံးသူနှင့် ဒဏ်ရာရသူကို ဆေးရုံသို့ ပို့ဆောင်ခဲ့ကြသည်။
