၂၀၂၅ မတ်လ ၂၈ ရက်နေ့က လှုပ်ခတ်ခဲ့သော (၇.၇) အဆင့်ရှိ မန္တလေးအင်အားပြင်းမြေငလျင်နောက် တစ်ဆက်တည်းအဖြစ် ဧပြီ ၁၀ ရက်နေ့အထိ နောက်ဆက်တွဲငလျင် (၄၃၉) ကြိမ်ထပ်မံဖြစ်ပွားခဲ့ပြီး၊ ထုတ်ပြန်ချက်အရ သေဆုံးသူ ၃,၆၄၉ ဦး၊ ဒဏ်ရာရသူ ၅,၀၁၈ ဦးနှင့် ပျောက်ဆုံးသူ ၁၄၅ ဦးရှိသည်။ လူနေအိမ် ၄၈,၈၀၀ ကျော်၊ ဘုရားစေတီ ၅,၂၀၀ ကျော်အပါအဝင် အခြေခံအဆောက်အဦးများ ထိခိုက်ပျက်စီးမှုများစွာရှိနေပြီး၊ မန္တလေးနှင့် စစ်ကိုင်းဒေသခံများသည် ဆက်လက်လှုပ်ခတ်နေသည့်ငလျင်များကြောင့် လမ်းပေါ်၌အိပ်စင်ချနေကြသည်။
