သွေးဆူနေသူ ထောင်ထွက်ထိုင်းအမျိုးသား နေအိမ်ပေါ်ကနေ သေနတ်ဖြင့် အိမ်နီးချင်းများကို ပစ်ခတ်

ထိုင်းနိုင်ငံ၊ ပတ်ချာဘန်းခရို၊င် ဘန်ကလောင်းခွန်ဝပ်အရပ်၊ ချွန်ဒင်းရပ်ကွက်အတွင်းရှိ နေအိမ်တစ်အိမ်တွင် ဒေါသထွက်ရူးသွပ်စိတ်ဆိုးနေသော ၄၃ နှစ်အရွယ် ထိုင်းနိုင်ငံသား ထောင်ထွက်တစ်ဦး အိမ်နီချင်းများနှင့်နေအိမ်များကိုလိုက်လံပစ်ခတ်ခြင်းကြောင့် ဧပြီ ၁၀ ရက် နံနက်ပိုင်းကတည်းက ရပ်ကွက်အတွင်း ထိတ်လန့်မှုများစွာ ဖြစ်နေရာ ဒေသစံတော်ချိန် ၁၁ နာရီ ဝန်းကျင်အထိ အန္တရာယ်မကင်းသေးကြောင်း သိရသည်။မာနော့ပန်ခလမ်မီးဆိုသည့် အမျိုးသားသည် ယခင်ကတည်းက ရပ်ကွက်အတွင်း ဒေါသကြီး ကြမ်းရမ်းပစ်ခတ်တတ်သဖြင့် ထောင်မကြာခဏကျသူဖြစ်ကာ ယခုလည်း အိမ်ပေါ်မှ သေနတ်ဖြင့်ဆက်တိုက်ပစ်ခတ်နေရာ ရဲတပ်ဖွဲ့ဝင် ၃ ဦးအပါ ၄ ဦး ဒဏ်ရာရရှိပြီး ချွန်ဒင်းဆေးရုံသို့ ပို့ဆောင်ခဲ့ရသည်။