မန္တလေးငလျင်ကြီးလှုပ်ခတ်မှုဖြစ်ပွားစဉ် ထိခိုက်ပျက်စီးခဲ့သည့် ပုဗ္ဗသီရိမြို့နယ် ခုတင် (၅၀) ဆံ့ မြို့နယ်ဆေးရုံနှင့် နေပြည်တော်ပြည်သူ့ဆေးရုံကြီး (ခုတင်-၃၀၀) ရှိ ဆေးကုသဆောင်များ၊ ဝန်ထမ်းအိမ်ရာများ၊ ခွဲစိတ်ကုသဆောင်များကို အဆောက်အအုံကြံ့ခိုင်ရေး တိုင်းတာသည့် စက်ကိရိယာများဖြင့် တိုင်းတာစမ်းသပ်နေရာ အဆောက်အအုံကြံ့ခိုင်ရေးတိုင်းတာသည့် စက်ကိရိယာများဖြစ်သည့် Rebound Hammer စက်ဖြင့် ကွန်ကရစ်မျက်နှာမာကြောမှုအခြေအနေနှင့် ခံနိုင်ရည်တိုင်းတာနေမှုအား ဆက်လက်စစ်ဆေးနေပါတယ်။ နေပြည်တော် ပြည်သူ့ဆေးရုံကြီး (ခုတင်-၃၀၀) သို့ ရောက်ရှိပြီး ဆေးကုသဆောင်များ၊ ခွဲစိတ်ကုသဆောင်၊ ဝန်ထမ်းအိမ်ရာများကို အဆောက်အအုံကြံ့ခိုင်ရေးတိုင်းတာသည့် စက်ကိရိယာများဖြစ်သည့် Rebound Hammer စက်ဖြင့် အဆောက်အအုံတိုင်များအား ကွန်ကရစ်မျက်နှာမာကြောမှု အခြေအနေနှင့် ခံနိုင်ရည်ကိုလည်းကောင်း၊ Ultrasonic Pulse Velocity (UPV) စက်ဖြင့် ကွန်ကရစ်အရည်အသွေး၊ ကွန်ကရစ်ခံနိုင်ရည်အားနှင့် Crack Depth အားလည်းကောင်း၊ Profoscope စက်ဖြင့် အဆောက်အအုံကွန်ကရစ်အတွင်းရှိ သံချောင်းတည်ရှိမှု၊ သံချောင်းအရွယ်အစားနှင့် Concrete Cover ကိုလည်းကောင်း တိုင်းတာစမ်းသပ်နေပါတယ်။
