မန်းမြန်မာဈေးချိုပလာဇာ၊ မြေညီထပ် ဈေးရုံကြီးရှိ ဆိုင်ခန်းရှင်များ ပစ္စည်းထုတ်ယူရန်အတွက် လာမည့် ဧပြီ၂၁ရက်တွင် တရက် ဖွင့်လှစ်မည်ဖြစ်ကြောင်း ဈေးအကျိုးတော်ဆောင်အဖွဲ့မှ ယနေ့ ဧပြီ၉ရက် ညနေပိုင်းတွင် လူမှုကွန်ရက်မှတဆင့် ထုတ်ပြန်အသိပေးထားသည်။အားလုံးဘေးအန္တရာယ် ကင်းရှင်းကြောင်းတွေ့ရှိရပြီး လာမည့်ဧပြီ၂၀ရက် နံနက် ၉နာရီအချိန်တွင် ဈေးအတွင်းသို့ စည်ပင်သာယာရေးမှ သန့်ရှင်းရေးအဖွဲ့ကသန့်ရှင်းရေးလုပ်မည်ဖြစ်သောကြောင့် လိုင်းအလိုက် ကိုယ်စားလှယ် အကျိုးတော်ဆောင်များ လာရောက်ကူညီ ဝန်းရံပေးကြပါရန်လည်း ဖိတ်ခေါ်အပ်ပါကြောင်း မန်းမြန်မာ ပလာဇာ ဈေးအကျိုးတော်ဆောင်အဖွဲ့မှ ထုတ်ပြန်ထားသည်။
